विधीमंडळाचे पीठासीन अधिकारी – भाग २

०५. उपाध्यक्षाना पदावरून दूर करण्याचा ठराव विधानसभेत विचाराधीन असताना ते अध्यक्ष पद भूषवू शकत नाहीत. उपाध्यक्षांना अशा वेळी सभागृहात हजर राहण्याचा अधिकार आहे, मात्र कामकाजात भाग घेण्याचा, बोलण्याचा व मतदान करण्याच्या अधिकाराबाबत घटनेत कोणतीही तरतूद नाही. 

०३. विधान परिषद सभापती व उपसभापती यांच्या पदावधीबद्दल घटनेत वेगळी तरतूद नाही. याचा अर्थ असा कि, ते सहा वर्षांसाठी पदावर राहू शकतात. 

०४. जर सभापतींचे विधानपरिषदेचे  पद संपुष्टात आले किंवा त्यांनी सभापतींना संबोधून आपल्या पदाचा राजीनामा दिला (सभापती आपला राजीनामा उप्साभापातीना संबोधून देतात तर उपसभापती आपला राजीनामा सभापतींना संबोधून देतात) किंवा त्यांना पदावरून दूर करण्याचा ठराव विधानपरिषदेच्या तत्कालीन सदस्यांच्या बहुमताने पारित झाला असेल तर कलम १८३ अन्वये उपसभापतींचे पद रिक्त होऊ शकते. 

०५. त्यांना पदावरून दूर करण्याचा ठराव मांडण्यापूर्वी तो सभागृहात तसा उद्देश दर्शवणारी नोटीस किमान १४ दिवस आधी द्यावी लागते.

०४. सभापती किंवा उपसभापतींना पदावरून दूर करण्याचा प्रस्ताव विधानपरिषदेत विचाराधीन असताना ते हजर असले तरी सभागृहाच्या बैठकीचे अध्यक्षस्थान भूषवू शकत नाहीत. उपसभापतींना अशा वेळी सभागृहात हजर राहण्याचा, भाषण करण्याचा व कामकाजात भाग घेण्याचा अधिकार असतो. 

०५. सभापती किंवा उपसभापतींना पदावरून दूर करण्याचा प्रस्ताव विधानपरिषदेत विचाराधीन असताना  त्या ठरावावर तसेच अन्य कोणत्याही बाबींवर केवळ पहिल्या फेरीतच मतदान करण्याचा हक्क असतो, मात्र मतांच्या समसमानतेच्या स्थितीत मतदानाचा हक्क नसतो. 

०१. पीठासीन अधिकारी या नात्याने सभापतींना विधानसभा अध्यक्षाप्रमाणेच अधिकार व कार्ये असतात. मात्र विधानसभा अध्यक्षांना असलेला एक विशेषाधिकार विधानपरिषद सभापतींना नसतो. – एखादे विधेयक धनविधेयक आहे कि नाही हे ठरविण्याचा अंतिम अधिकार विधानसभा अध्यक्षांचा असतो. 

०१. सभापती सभागृहाचे अध्यक्षस्थान भूषवत असताना उपसभापती इतर सदस्याप्रमाणेच असतात. अशा वेळी त्यांना सभागृहात बोलण्याचा, कामकाजात भाग घेण्याचा व मतदानाचा अधिकार असतो. 

०२. उपसभापतींचे प्रमुख कार्य म्हणजे सभापतींचे पद रिक्त असल्यास सभापती पदाची कर्तव्ये पार पडणे. तसेच सभापती सभागृहाच्या बैठकीला गैरहजर असतील तर तात्पुरत्या काळासाठी सभापती म्हणून कार्य करणे.  अशा दोन्ही वेळी त्यांना सभापतीचे सर्व अधिकार प्राप्त होतात. 

०३. सभापती विधानपरिषदेच्या सदस्यातून कमाल १० व्यक्तींची नियुक्ती “उपाध्यक्षीय पैनल” वर करतात. सभापती व उपसभापती यांच्या गैरहजेरीत त्यांच्यापैकी कोणीही एक व्यक्ती सभापती म्हणून कार्य करते. तेव्हा त्यांना सभापतींचे सर्व अधिकार प्राप्त होतात. 

विधीमंडळाचे पीठासीन अधिकारी – भाग १ वाचण्यासाठी येथे क्लिक करा.

Please Share this Article for more updates……….